SHERQITÜRKISTAN MUSTEQILLIQ ÜCHÜN KÜRESH QILIWATIDU

-S.T.S.H.Bash Ménistiri Ismayil Chinggizning Bayanati

Sherqiytürkistan Sürgündiki Hökümitining Bash Ménistiri Ismayil Chinggiz baynat élan qilip, Sherqitürkistan xelqining siyasiy ghayisining musteqilliq we höriyet ikenlikini tekitlidi.Bashménistir Ismayil Chénggiz Türkiye Maltepe Uniwérsititida tüzenlengen, „Uyghurlarning Bügünki Hali“ namidiki konferenske bayanat élan qilip:

„Maltepe Uniwérsititi teripidin 2009-yili 5-Iyulda bashlanghan Xitay tajawuzchillirigha qarshi herket we Xitay tajawuzchillirining érqiy we kultural qirghinchiliqigha ayit témida oyushturulghan bu konferenste, Sherqitürkistan xelqining musteqilliq üchün élip barghan mujadilelirining toghra emesliki heqqide xulasiler chiqirilghan.U konferenke Sherqitürkistan xelqige wakaliten qatniship, yoqarqidek natoghra xulasilerning chiqirilishigha süküt ichide qarap turghan teshkilat wekillirining tutamini qobul qilghili bolmaydu.Sherqitürkistanda Uyghurdin bashqa yene Qazaq, Qirghiz, Uzbek,Tatar we Mungghul qatarliq türkiy xelqlerningmu oxshashla Xitay tajawuzchillirining milliy zulumi we boyunturiqi astida yashawatqanliqinimu dayim tilgha élip turush dawayimizdiki nazuk tereplerning biridur…

Biz Sherqitürkistan Sürgündiki hökümiti bolush süpitimiz bilen, xelqara jamaetchilikke shuni anglatmaqni isteymizki,barliq Sherqitürkistan xelqi qolni-qolgha tutushup, yüz yillardin béri Xitay Impériyalizimigha qarshi musteqilliq we höriyetchilik herkitini qanat yaydurup keldi we dawamlashturiwatidu.


Xelqimiz wetinimiz Sherqitürkistan Xitay tajawuzchilliri teripidin resmiy ishghal qilinghan 1949-yilidin béri 420 qétimdin artuq chong-kichik qarshiliq körsütüsh herketliri we qozghilang kötürüp, özlirining erkin, hör, azat we musteqil jumhuriyitini qayta qurush üchün qan kéchip küresh qilmaqta…

Elbette Démokiratiye, Insan heqliri, Kishlik hoquq telep qilish dawayimizning muhim terkiwi qisimlirining biridur…lékin Sherqitürkistan milliy dawasi bir insan heqliri we démikoratiye dawasi bolupla qalmay, axirqi hésapta igilik hoquqi we musteqilliq dawasidur… Axirqi ghayimiz Sherqitürkistannning musteqilliqi we Barliq Sherqitürkistan xelqining höriyitidur.


Sherqitürkistanda 5-Iyuldin béri ortigha chiqiwatqan xelq inqilawiy herketlirining Xitay pashistliri teripidin qanliq basturiliwatqanliqi, Sherqitürkistan yashlirining üzlüksiz halda türkümlep türmilerge tashlinip, kolliktip ölümge buyruliwatqanliqidin ibaret bu téragédiyele, bizning Béyjing hökümitige bolghan nepritimizni téximu oyghutup, Xitay tajawuzigha qarshi musteqilliq herketlirimizning téximu küchlinishige paydiliq bolidu we bizning küresh iradimizni téximu küchlendüridu, dégenlerni ortigha qoydi.

06.12.2009


İletişim:

Korash ATAHAN

S.T.S.H. Kultur we Propaganda Ménistirligi

D.T.S.H. Kültür ve Propaganda Bakanlığı

Kureshatahan@gmail.com

Phone : 0049-157-75-38-38-06