Xitay hökümiti 2009-yili 5-Ijulda ortigha chiqqan, minglarche kishining ölümi we 10 minglarche kishining naheq jazalinishigha sewepchi bolghan Ürümchi qanliq weqesige chétishliqi bar dep qarap, mushu yili 12-Ayning 3-küni ikki qérindishimizni ömürlük siyasiy hoquqidin mehrum qilip, türmige tashlap, 5 qérindishimizgha ölüm jazasi bérip shepqetsizlerche ijra qildi we ölüm jazasi bérilgen 5 Uyghur Ailisini oq puli tapshurushqa mejburlidi.Bu Pékin hökümitining insanliqqa qarshi ishlewatqan jinayi qilmishlirining biri bolup qalghusi.
Xelqarada „Xinjang“, dégen qanunsiz nam bilen atiliwatqan Sherqi Türkistanning bashbaliqi Ürümchide meydangha kelgen qanliq weqelerdin béri, eziz wetinimiz Sherqi Türkistanda Xitay pashizimi téximu küchlük höküm sürmekte.Xitaylarning dunyagha bergen gheyri resmiy bayanatidin qarighanda, Xitay hökümet dayiriliri yoqarqi weqeler sewebidin bügüngiche 26 qérindishimizgha ölüm jazasi bérip, rehimsizlerche étip tashlidi. Xitaylarning ölüm jazasi bérilgenler heqqidiki xewerliri ishenchisiz bolup, emeliyette 200 din artuq kishige ölüm jazasi bérilgenliki heqqide xewerler bar.
Yoqarqi weqede Adem öltürüsh, ot qoyush, bulangchiliq qilish, zorawanliq qilish ishlirini Xitay dölitining arqa tirek bolishi bilen Xitay puqraliri keltürüp chiqarghan bolsimu, ulardin jazalanghanlar aran 1 kishi boldi. Pakitlar Xitay hökümitining ishghaliyet rayonlirida yürgüziwatqan yerlik siyasetlirining éghir meghlubiyetke uchrighanliqini körsütüp turmaqta.
Kishini qattiq epsuslanduridighini, Xitaylar ölümge höküm qilinghanlarning sot jeryani we ijra qilinish ishlirini weten ichi we siritidiki jamaettin toxtimay yoshurup, ölüm jazasi ijra qilinghandin kéyin, öltürülgenlerning héch ishtin xewiri yoq ailisige bésim ishlitip, „Oq heqqi“ tapshurushqa mejburlishi, tapshurushni ret qilghanlargha hessilep éghir iqtisadiy jerimane qoyghanliqidur.
Biz Xitay hökümitining Démokirattik heqlirige érishish üchün tinch shekilde namayish qilghanlarni qanliq basturup, weqelerning qanliq qetliamgha özgürep kétishige sewepchi bolghan Xitaylargha keng qolluq bilen muamilide bolghanliqigha qattiq naraziliqimizni bildürimiz we Xitay dayirilirining Sherqi Türkistanda yürgüziwatqan dölet térorini baldurraq toxtitishini keskinlik bilen telep qilimiz.
Weqe yüz bergili 5 Aydek bolghan bolsimu, Xitaylar wetinimiz Sherqiy Türkistanni siritqi dunyagh taqaqliq halette eskiriy konturul qilmaqta. Hala hazirghiche Xelqimiz érqiy we kultural tereplerdin qanliq qetliam qilinmaqta. Bu meselide Gheriptiki démokirattik döletler, BDT, NATO, Yawropa Ittipaqi Birliki, Xelqara Islam Konfrensiyesi qatarliq xelqara teshkilatlardin qattiqraq inkasta bolushni, shu arqiliq 21-yüz yilda ortigha chiqiwatqan bu adaletsizlikke baldurraq xatime bérish üchün tigishlik küch chiqirishni telep qilimiz.
Bash Ménistir: İsmayil CHENGGİZ
Sherqiy Türkistan Sürgündiki Hökümiti
04.12.2009
No comments:
Post a Comment