Sherqiytürkistan Birliki Tehkilatining Ghulja Soti Heqqidiki Bayanati


Buningdin bir qanche kün ilgiri Xitaylar wetinimiz Sherqiyturkistanda 150 tin artuq yash ösmürni qanunsiz diniy telim-terbiyege qatnashqan dep eyiplep, oqutquchilliri bilen qoshup, qolgha alghan we ulargha siyasiy, iqtisadiy we ijtimayi jazalarni bergenidi.

Bu qétim igiligen melumatlirimizdin qarighanda, Xitay tajawuzchilliri yene 2008-yili 9 – ayning 18 – küni Sherqiyturkistanning Ghulja sheheride ochuq sot échip, Eli Qunahun qatarliq 12 neper Uyghur yashning resmiy qolgha élinghanliqini jakarlidi we yene Memtili Abdurahman qatarliq 12 neper qehriman perzentlirimiz üstidin wehshiylerche höküm élan qildi. Biz bir teshkilat bolush süpitimiz bilen, xitaylarning yoqarqi bigunah 24 neper qérindishimizni rehimsizlerche jazalighanliqidin qattiq ökünimiz.

Xitay tajawuzchilliri bu yil kirgendin béri her türlük bahane-seweplerni kötürüp chiqip, Sherqiytürkistanning siyasiy weziyitini intayin keskinleshtüriwetti. Ular özlirining insaniy heq-hoquqlirini telep qilghan qanche minglighan Uyghur qiz yigitlirini qanliq basturup, xelqimizni erkin nepes alalmaydighan halgha chüshürüp qoydi.Millitimizning ghururigha tegdi, milliy shan-sherep tuyghumizni haqaretlidi.

Mana mushundaq bir ehwalda, Uyghur xelqining her türlük usullar bilen milliy zulumgha qarshi xilmu-xil paaliyetler bilen shughullinishi jismaniy we meniwiy jehettin tehditke uchrighan bir kishining özini qanunluq qoghdash yolida élip barghan tirishchanliqlirigha oxshashla heqqaniy we qanunluq herkettur.


Biz Xitay tajawuzchillirining wetinimiz Sherqiytürkistanning Ghulja sheheride élip barghan insan qélipdin chiqqan bu qilmishidin xewer tapqandin kéyin intayin ghezeplenduq we éghir qayghurduq.


Xitay tajawuzchilliri wetinimiz sherqiyturkistanni bésiwalghan 59 yildin béri qattiq yumshaq charilerni ishlitip, Uyghur xelqinining azatliqqa we hörlükke bolghan intilishini yoq qilalmidi, buningdin kéyin hem yoq qilamaydu. Xitaylar Sherqiytürkistan milliy herkitini qattiq bastursaq, sherqiytürkistan xelqining qelbide qorqunch hasil qilip, Uyghurlarni milliy jasaritidin ayrip tashlap, bu milletni tarix sehnisidin yoqutiwétish üchün shert-sharayét hazirliyalaymiz, dep chöchirini xam sanawatidu.Xitay tajawuzchilliri xelqimizni qanche basturghanche milliy qarshiliq körsütüsh herketlirimiz téximu ewij alidu.Xitaylarning Sherqiytürkistan tupraqlirida put térep turishi qiyin ehwalgha chüshüp qalidu.Xelqimiz axiri siyasiy meqsetlirige yétmey qoymaydu.


Biz bir teshkilat bolush süpütimiz bilen, Xelqara jemiyettin, Xitay hökümitining bu yil kirgendin buyan wetinimiz Sherqiytürkistanda yürgüziwatqan étnik we kultural qirghinchiliqigha alaqidar mesililerge yéqindin diqqet qilishini, Sherqiytürkistan mesilisining yalghuz insan heqliri, démokiratiye we diniy erkinlik mesilisila emes belki bir milletning milliy musteqilliq mesilisi ikenlikini étirap qilishini, Xitay hökümitige qattiq bésim ishlitip, yoqulup kétish aldida turiwatqan xelqimizge ege chiqishini, xitaylarning bu xil zorawanliqlirining aldini élishini telep qilimiz.

Sherqiytürkistan Birliki Teshkilati Teshwiqat Merkizi