Bash Ménistir Ismayil ChinggizTürkiyediki Türk Dunyasi Teshkilatlirigha Wakaliten Muhim Söz Qildi


Sherqiy Türkistan Sürgündiki Hökümitining Bash Ménistiri Ismayil Chinggiz Sherqiy Türkistan Hemkarliq Teshkilatining Reyisi Salayiti bilen. Alahiyde méhmanlar teklip bilen qatnashqan 500 kishlik yighinda, Türkiyediki Türk Dunyasi Teshkilatlirigha Wakaliten Dölet Ménistiri Faruk Chelikke xitaben muhim Söz Qildi.

Türk Dunyasi we Qérindash itnik topluqlar hemkarliq ménistirligi organize qilghan chong yighingha qatnashqan Sherqiy Türkistan Sürgündiki hökümitining bash ménistiri Ismayil Chinggiz, Türkiyediki Türk we qérindash étnik topluqlarning teshkilatliri, jemiyetliri we wexpilliri üchün, Türkiye döleti teripidin Istanbuldiki Feshane Kultur merkizide hazirlanghan büyük sorunda, Türk dunyasigha wakaliten bu yighingha qatnashqan 500 kishige wakaliten muhim söz qildi we yighin qatnashquchilliri teripidin qizghin alqishqa sazawer boldi.


Yighinda alahiyde hörmet bilen birinchi qétim sözge dewet qilinghan Sherqiy Türkistan Sürgündiki Hökümeti bash ménistiri Ismayil Chinggizning arqisidin, Türkiye Jumhuriyitining Türk dunyasi xizmetlirige mesul qilinghan dölet Ménistiri Faruk Chelik söz qilip, Türkiye Jumhuriyitide yéngi qurulush aldida turghan Türk Dunyasi we Qérindash étnik topluqlar hemkarliq ménistirligi heqqide muhim melumatlarni berdi.


Bu yighingha Türkiye Jumhuriyitining yoquri derijilik emeldarliri we parlamént ezaliri qatnashqandin bashqa, Türk dunyasigha ayit 130 din artuq teshkilat, jemiyet we wexpilerning reyis we muawén reyisliri qatnashti.


Alahiyde muhim bolghini bu yighingha Sherqiy Türkistan Sürgündiki Hökümitining bir qisim palamént ezaliri, Sherqiy Türkistan Hemkarliq Teshkilati, Sherqiy Türkistan Wexpi, Sherqiy Türkistan Maarip we Kultur teshkilati, Sherqiy Türkistan Yashliri we Kulturi teshkilati we Qeysiridiki Sherqiy Türkistan Hemkarliq teshkilati qatarliqlarning reyis we muawénliri qatnashqan bolup, yighin kün tertiwide Türkiye Jumhuriyiti dölet ménistiri bilen birge Sherqiy Türkistan Sürgündiki Hökümitining bash ménistiri Ismayil Chinggizge, Türkiyediki barliq Türk dunyasi teshkilatlirigha wakaliten sözlesh pursitining bérilishi we bu yighinda xelqimizning siyasiy teqdirige ayit meselilerning otturgha qoyulushi, Sherqiy Türkistan xelqini intayin söyündürdi.


Hökümetimizning bash ménistiri Ismayil Chinggiz, Dölet ménistiri Faruk Chelikning dewiti bilen yighingha qatnashqan Qeysiridiki Sherqiy Türkistan Hemkarliq teshkilatining reyisi Seyit Tumtürk we reyis yardemchisi Heyrulla Efendigilning, dölet ménistirige ton we doppa teqdim qilish murasimigha hemkarliship, yighin qatnashquchillirigha, Türkiyediki Sherqiy Türkistan teshkilatlirining büyük meqsetler üchün tilda, fikirde, ishta bir boliwatqanliqini anglatti.

Bu yighin Sherqiy Türkistan Sürgündiki Hökümitining düshmen küchlerning her türlük aghdurmichiliq herketlirige qarshi turup, Sherqiy Türkistanning Milliy musteqilliqi üchün küresh qiliwatqan barliq teshkilat we shexislerge söygü we hörmet bilen küchliniwatqanliqini dunyagha yene bir qétim ayan qildi. (K.Atahan)


Sherqiy Türkistan Sürgündiki Hükümiti Kultur we Teshwiqat Ménistirligi
01.11.2009