Erkin Asiya Radiyosining 2008-yili 07-Ayning 09-künki xewiridin qarighanda Xitay Hökümiti 2008-yili 07-Ayning 09-küni Qeshqerde 20 Uyghurgha Jaza Höküm Qilish Arqiliq Uyghurlargha Yene Tehdit Sélishni bashlighan. Yerlik xewerlerge asaslanghanda, Xitay hökümiti bügün Qeshqerde 10 ming adem qatnashturulghan ochuq sot échip we qattiq jaza élan qilip, Sherqiytürkistan xelqining ghezep nepritini qozghighan.
Xewerlerge qarighanda, Qeshqerde échilghan bu ochuq sotta 20 Uyghurni „térrorluq meshiq bazisi qurghan“, „manéwir ötküzgen“, „partlatquch buyumlarni saqlighan“, „oghriliq - bulangchiliq qilghan“, „islam partiyisige eza bolghan“, „tebligh qilghan“, „qanunsiz ün - sin buyumlirini anglighan“ dégendek siyasiy jinayi namlar bilen eyibligen.
Abduweli Imin, Muxter Sétiwaldi qatarliq 5 Uyghurgha ölüm jazasi höküm qilip, ularning ikki nepirini derhal ijra qilish, 3 nepirini kéchiktürüp ijra qilishqa buyrighan. Xitay Hökümiti Bu Ochuq Sotta Yene, Uyghurlarni Bu „Térrorchi“ lardin ibret élishqa dewet qilghan.
Erkin Asiya Radiyosining 2008-yili07-Ayning 09-künki yene bir xewirige qarighanda Ürümchide Besh Uyghurning 2008-yili 07-yning 08-küni Xitay Saqchiliri Teripidin Étip Öltürülgenliki melum boldi. Birleshme agéntliqining 2008-yili 07-Ayning 09-Küni Beijingdin bayan qilishiche, Xitay saqchiliri tünügün Ürümchide „radikal islam bölgünchiliri“ dégen jinayi nam bilen 5 neper Uyghurni étip öltürgen.
Shinhua Agéntliqining xewiride éytilishiche, Xitay saqchiliri tutmaqchi bolghan 15 uyghur bir binagha yoshurunghan bolup, uning 5 nepiri ayal, bularning hemmisi „jihat qilish“ üchün telim alghan kishiler. Ular musteqil dölitini eslige keltürüshni we 1949 - yilidin kéyin Sherqiytürkistangha kelgen Xitaylarni öltürüshni meqset qilidiken.
Xitay saqchiliri bularni tutqanda, yénida pichaq bar hem qarshiliq körsetken 5 neper kishini miltiq bilen étip öltürgen. 8 nepirini qolgha alghan, yarilandurulghan yene ikki kishi hazir doxturxanida.
Fransiye agéntliqi qatarliq uchur wastilirimu bu heqte xewer élan qildi. Ularning xewerliri „asiya - ténch okyan géziti“, „xelqara uchur munbiri“ qatarliq xelqaraliq chong gézitlarda bésilip chiqti. Engliyide chiqidighan télégraf gézitimu bu heqte bir qeder tepsiliy xewer élan qildi.
Sherqiytürkistan Birliki Teshkilati Teshwiqat Merkizi
No comments:
Post a Comment